Մեր նորաբաց, նրբաճաշակ դիզայներական լուծումներով հարուստ հյուրատանը լիարժեք հանգիստ կարող են վայելել ամենախստապահանջ այցելուները՝ ինչպես ընտանիքի, այնպես էլ ընկերների հետ։

Առանձնատունն ունի 5 սենյակ՝ միաժամանակ 15 հյուրի համար։ Տունն ունի մեծ ընդհանուր խոհանոց, հյուրասենյակ և 5 լոգասենյակ։

Հյուրատունն ունի լիովին պարսպապատ գեղեցիկ բակ իր բացօթյա տաղավարով և սնունդ պատրաստելու հարմարություններով։ Իսկ առանձնատան հարմարավետ պատշգամբներից բացվում է գեղեցիկ բնության տեսարան։

Հյուրատունը գտնվում է առողջարանային Դիլիջան քաղաքում։ Գեղատեսիլ Դիլիջանը գտնվում է Հայաստանի Հանրապետության հյուսիսարևելյան մասում՝ Աղստև գետի հովտում, ծովի մակարդակից 1100-1510 մ բարձրության վրա՝ շրջապատված Փոքր Կովկասի լեռներով։ Դիլիջանն իր բնակլիմայական պայմաններով եզակի բնակավայրերից է։ Հանգստացողների վրա լրացուցիչ դրական ազդեցություն ունի քաղաքի հանգիստ լանդշաֆտը:

Մենք գիտենք, թե ինչպես կազմակերպել ձեր հանգիստը, որպեսզի կարողանաք վայելել փոքրիկ ընդմիջում այս աղմկոտ կյանքում, լիովին ազատվեք հոգնածությունից, վայելեք բնության պարգևները և վերաիմաստավորեք կյանքի յուրաքանչյուր արժեք։