Աչաջուր Բնական Սնունդ ՍՊԸ-ին են պատկանում Աչաջուր սրճարանները։ Առաջին և բացօթյա Աչաջուր սրճարանը բացվել է 2009 թվականին Երևանի Սիրահարների Այգում՝ նպատակ ունենալով մասամբ ֆինանսավորել այգու պահպանման ծախսերը: Այդպիսով Աչաջուրն իր բնույթով Հայաստանում իրականացվող սոցիալական ձեռնարկատիրության առաջնեկներից մեկն է: Տարիների ընթացքում Աչաջուր սրճարանը շատերի համար դարձել է երևանյան առօրյայի շատ կարևոր մասը: Ձմռան ամիսներին ևս այն հասանելի պահելու նկատառումով, 2010 թվականից սկսած, այգում գտնվող Աչաջուր սրճարանի մի փոքր հատված դեկտեմբերից մինչև մարտ փակվում և հնարավորինս տաքացվում էր: 2013 թվականին բացվեց Աչաջուր Փարպեցին, որտեղ կենտրոնացած է սրճարանների կառավարումն ու խոհանոցը։