Սոցիալական աշխատող (Արցախ)
«Հայաստանի մանուկներ» բարեգործական հիմնադրամ (ՔՈԱՖ)
ՔՈ ԴԵՐԸ
Եթե դու նպատակասլաց, լուծումների վրա կենտրոնացած, ստեղծագործ, ակտիվ, լավ հաղորդակցվող մասնագետ ես, ապա Արցախում ՔՈԱՖ-ի («Հայաստանի մանուկներ» բարեգործական հիմնադրամ) Երեխայի և ընտանիքի կենտրոնի սոցիալական աշխատողի դերը հենց քեզ համար է։ Առավել մանրամասն․
Դեպքի կառավարում (60%)
- Բացահայտել Արցախի ռիսկային իրավիճակում հայտնված բնակիչներին՝ առաջնահերթություն տալով երեխաներին և նրանց ընտանիքներին։
- Իրականացնել համալիր գնահատում։
- Մշակել յուրաքանչյուր ընտանիքի զարգացման պլան, հետևողական լինել դրա իրականացմանը, ապահովել որակյալ ծառայությունների մատուցում։
- Ստեղծել և պահպանել աջակցային ցանց՝ ի պատասխան ռիսկային իրավիճակում հայտնված ընտանիքների զարգացման պլանների։
Կրթություն և իրազեկում (30%)
- Կազմակերպել և իրականացնել դասընթացներ Արցախում տարածում ունեցող սոցիալական հիմնախնդիրների վերաբերյալ։
- Նախաձեռնել թեմատիկ օրերին նվիրված միջոցառումներ՝ համայնքի իրազեկվածությունը բարձրացնելու, սոցիալական պատասխանատվություն ձևավորելու, տրամադրվող ծառայությունների կարևորությունը շեշտադրելու նպատակով։
- Նպաստել կամավորական խմբերի ձևավորմանը և ուղղորդել նրանց՝ իրականացնելու համայնքում սոցիալական նշանակության ծրագրեր։
- Կազմավորել խմբեր և իրականացնել հանդիպումներ խմբին հուզող հիմնախնդիրների շուրջ։
- Իրազեկել Արցախի Երեխայի և ընտանիքի կենտրոնի գործունեության մասին Ստեփանակերտում և այլ հարակից բնակավայրերում։
Համագործակցություն (10%)
- Համագործակցել Կենտրոնի բազմամասնագիտական թիմի, հիմնադրամի տարբեր բաժինների հետ՝ առավելագույն արդյունքի հասնելու համար։
- Ստեղծել և պահպանել գործընկերային հարաբերություններ Արցախի այլ կազմակերպությունների հետ։
ՔՈ ԹԻՄԸ
Սոցիալական աշխատողի դերը ստանձնելով՝ միանալու ես ՔՈԱՖ-ի Գյուղական ծրագրերի մեծ թիմին և աշխատելու ես ՔՈԱՖ-ի սոցիալական աշխատանքի համակարգողի անմիջական ղեկավարությամբ և մատուցելու ես սոցիալական աշխատանքի ծառայություններ։
ԴՈՒ
Սպասելով քեզանից ավելին՝ մենք ակնկալում ենք, որ
ԴՈՒ ՏԻՐԱՊԵՏԵՍ (Գիտելիք)
- Արցախի սոցիալալական պաշտպանության համակարգին, պետական քաղաքականությանը և օրենսդրական դաշտին, քանի որ ունես սոցիալական աշխատանքի բարձրագույն կրթություն և ավելի քանի մեկ տարվա փորձ սոցիալական աշխատանքի ոլորտում:
- Գերազանց հայերենի՝ գրավոր և բանավոր:
- Ոչ ֆորմալ կրթական մեթոդաբանություններին։
ԴՈՒ ԿԱՐՈՂԱՆԱՍ (Հմտություն)
- Մատուցել սոցիալական աշխատանքի որակյալ ծառայություններ, քանի որ ունես ավելի քան մեկ տարվա աշխատանքային փորձ համապատասխան ոլորտում։
- Օգտագործել G Suite և աշխատանքային այլ հարթակներ։
- Կազմակերպել աշխատանքը՝ ըստ առաջնահերթությունների։
- Վերլուծել և աշխատել տվյալների հետ։
- Համագործակցել բազմամասնագիտական թիմի հետ,։
- Արդյունավետ աշխատել ծանրաբեռնված գրաֆիկով և հետևել վերջնաժամկետներին։
- Գերազանց հաղորդակցվել բանավոր և գրավոր։
ԴՈՒ ԼԻՆԵՍ (Վերաբերմունք)
- Փոփոխության ջատագով,
- Ստեղծագործ, կաղապարներից դուրս մտածող,
- Բաց նորարարության համար և քննադատ,
- Պատասխանատու և հաշվետու,
- Մեդիագրագետ,
- Սոցիալական պատասխանատվության բարձր մակարդակ,
- Շարունակական կրթության գաղափարի կրող։
ՄԵՆՔ
«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 64 համայնքների ավելի քան 107,000 բնակիչները:
2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ը կկրկնօրինակվի Հայաստանի այլ մարզերում և համայնքներում:
ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։
ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։
ՄԵՆՔ ԱՌԱՋԱՐԿՈՒՄ ԵՆՔ
- Կյանք փոխող աշխատանքային փորձ:
- Աշխատանք, որը կկարևորես ու կսիրես:
- Մրցակցային աշխատավարձ:
- Առողջության ապահովագրություն:
- Լրացուցիչ վճարվող ազատ ժամեր:
- Մասնագիտական աճի հնարավորություններ:
- Տարեվերջյան կատարողականի բոնուս:
- Դրական և ստեղծագործ աշխատանքային միջավայր:
ՍՊԱՍՈՒՄ ԵՆՔ ՔԵԶ
Վերջնաժամկետը 2022թ․ հունիսի 15-ի օրվա ավարտն է։
Կազմակերպությունն իրականացնում է դիմումների ընթացիկ դիտարկում, որի արդյունքներից կախված, համապատասխան թեկնածուի հավաքագրման գործընթացը և ընտրությունը կարող է կատարվել նախքան սահմանված վերջնաժամկետի ավարտը։