Տեղադրեք մեր անվճար հավելվածը: Այն շատ տեղ չի զբաղեցնի ձեր սարքի վրա
Խորհուրդներ դիմորդներին

Ինչպե՞ս իմանալ՝ դիտե՞լ են քո դիմումը, թե՞ ոչ

21.01.2020 | 4740 դիտում

Այդ ընթացքից ամենասթրեսայինը դիմելու պահն է․ կազմում ես կամ խմբագրում ես CV-դ, ուղեկցող նամակ գրում և ուղարկում։ Այժմ մնում է սպասել և գուշակել՝ դիտե՞լ են դիմումը, կարդացե՞լ են քո գեղեցիկ և ուժեղ CV-ն, թե՞ մի կողմ են թողել։

Պատահում է, որ ամբողջովին համապատասխանում ես նշված հաստիքին, դիմում ես, բայց այդպես էլ պատասխանի չես արժանանում։ Այս դեպքում պարզ չէ, թե ինչն է խնդիրը՝ դիմումդ չի՞ հասել, թե՞ գործատուն մատների արանքով է նայում իր իսկ հայտարարությանը։

Ամենակատարյալ տարբերակը կլիներ այն, որ գործատուն տեղեկացներ թե՛ դրական, թե՛ բացասական որոշման մասին և հնարավորություն տար դիմողին հստակ իմանալ՝ ինչ անել հետո՝ հույս դնե՞լ այդ հաստիքի վրա, թե՞ նոր բան որոնել։

Աշխատող-ղեկավար հարաբերություններում շատ կարևոր է թափանցիկությունը։ Աշխատող-ղեկավար հարաբերություններում շատ կարևոր է թափանցիկությունը։ Job.am-ը հարթակ է, որն ուղիղ կապ է ստեղծում աշխատանք որոնողի և գործատուի միջև և փորձում է օգնել նրանց՝ գրագետ և ճիշտ կառուցել իրենց հարաբերությունները։ Այդ նպատակով մշակվել է «Դիմումի կարգավիճակ» գործիքը։

Կայքով աշխատանքի դիմելու դեպքում, մուտք գործելով անձնական պրոֆայլ, կարող ես ընտրել «Իմ դիմումները» բաժինը, որը դիմած աշխատանքների պատմությունն է։ Աշխատանքները ներկայացված են առանձին տողերով, և յուրաքանչյուր տողում երևում է դիմումի կարգավիճակը և ամսաթիվը։ Այսինքն՝ դիմողը կարողանում է տեսնել՝ գործատուն նայե՞լ է իր դիմումը, թե՞ ոչ, քանի՞ օրվա ընթացքում է դա տեղի ունեցել։

Այս կարգավորումն իրականում կարևոր նշանակություն ունի թե՛ դիմողի, թե՛ գործատուի համար։ Դիմողը հասկանում է, թե ինչ կարգավիճակում է իր դիմումը և կարող է հետևություններ անել՝ արդյո՞ք համապատասխանում է նշված հաստիքին, թե՞ ոչ։ Ինչ վերաբերում է գործատուին, նա էլ պետք է պարտաճանաչ դիտի, ծանոթանա դիմումներին։

Աշխատանքի դիմելու ընթացքը միաժամանակ և՛ հետաքրքիր է, և՛ սթրեսային։ Դրա մասին պետք է հիշեն երկու կողմն էլ և ամեն կերպ փորձեն նվազեցնել սթրեսի քանակը՝ ընթացակարգը պարզ, թափանցիկ և հասկանալի դարձնելով։

Կհետաքրքրեն նաև